Lyftur sem virka eins og til er ætlast eru jafn mikilvægur hluti af daglegu lífi í íbúðarhúsi og þær eru í háreistum háhýsum. Ef lyftan er óáreiðanleg veldur það oft falinni – og umtalsverðri – kostnaðarhækkun. Fyrirvaralausar bilanir geta leitt til umtalsvert hærri viðgerðarkostnaðar en vel ígrunduð og forvirk viðhaldsáætlun.

Það er ekki bara þreytandi fyrir íbúana þegar lyftur eru sífellt að bila, það getur líka valdið vandamálum í tengslum við kröfur í gildandi lögum og skapað öryggisáhættu. Auk þess geta ítrekaðar bilanir skaðað orðspor hússins og rýrt heildarverðmæti þess sem fasteignar.

Í samstarfi við KONE færðu aðgang að þjónustu sérfræðinga á heimsvísu og getur bæði tryggt að lyfturnar virki alltaf án vandkvæða og að bókhaldið fari ekki á hliðina. Hver er árangurinn? Færri óþægilegar uppákomur, færri kvartanir – og þú getur treyst því að fjárfestingin þín haldi áfram að skila sér, bæði fyrir þig og öll þau sem búa í byggingunni sem þú hefur umsjón með.

KONE-lyftur fyrir lágreistar byggingar eru hannaðar til að auðvelda lífið fyrir bæði fólkið sem býr í húsinu og umsjónaraðila fasteignarinnar.

• Snurðulaus og hljóðlát notkun: Eykur þægindi íbúanna og dregur úr hávaðamengun
• Mikil orkunýting: Minnkar orkunotkun og styður við sjálfbærnimarkmið
• Gott aðgengi: Tryggir örugga og þægilega notkun fyrir fólk á öllum aldri og með hvers konar færni
• Sveigjanleg hönnun: Býður upp á sérsniðnar útfærslur og grunnstillingar sem henta þörfum hverrar byggingar fyrir sig
• Skuldbinding um sjálfbærni: Við notum umhverfisvænan efnivið og umhverfisvænar tæknilausnir til að minnka umhverfisáhrifin af búsetu í nærumhverfinu til langs tíma

KONE-lyftur fyrir íbúðarhús gera annað og meira en bara að flytja fólk á milli hæða – þær stuðla að skilvirkni og hagkvæmni í nærumhverfinu og gera daglegt líf betra og þægilegra. Kostirnir fyrir þig eru að tímaáætlanirnar standast, kostnaðurinn fer ekki úr böndunum og þú gengur að gæðum og langri endingu vísum.